ಬೆಂಗಳೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು 2026–27ನೇ ಸಾಲಿನ ರಾಜ್ಯ ಬಜೆಟ್ ಮಂಡನೆಯ ನಂತರ, ಇದೀಗ ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) ವ್ಯಾಪ್ತಿಯ ಐದು ನಗರ ಪಾಲಿಕೆಗಳ ಚುನಾವಣೆಗೆ ಸಿದ್ಧತೆಗಳು ವೇಗ ಪಡೆದುಕೊಂಡಿವೆ.
ಈ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ GBA ವಾರ್ಡ್ವಾರು ಅಂತಿಮ ಮೀಸಲಾತಿ ಪಟ್ಟಿಯನ್ನು ಪ್ರಕಟಿಸಿದೆ.
ಗ್ರೇಟರ್ ಬೆಂಗಳೂರು ಪ್ರಾಧಿಕಾರಕ್ಕೆ ಒಳಪಡುವ ಐದು ನಗರ ಪಾಲಿಕೆಗಳನ್ನು ಸೇರಿಸಿ ಒಟ್ಟು 369 ವಾರ್ಡ್ಗಳಿಗೆ ಮೀಸಲಾತಿ ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಈ ಪಟ್ಟಿಯಲ್ಲಿ ಮಹಿಳೆಯರಿಗೆ ಮಹತ್ವದ ಆದ್ಯತೆ ನೀಡಲಾಗಿದ್ದು, 185 ವಾರ್ಡ್ಗಳನ್ನು ಮಹಿಳೆಯರಿಗೆ ಮೀಸಲಿಟ್ಟು ಶೇ.50ರಷ್ಟು ಪ್ರತಿನಿಧಿತ್ವ ಕಲ್ಪಿಸಲಾಗಿದೆ. ಇದರ ಮೂಲಕ ಸ್ಥಳೀಯ ಆಡಳಿತದಲ್ಲಿ ಮಹಿಳೆಯರ ಪಾತ್ರವನ್ನು ಬಲಪಡಿಸುವ ಹಾಗೂ ಸಾಮಾಜಿಕ ನ್ಯಾಯಕ್ಕೆ ಉತ್ತೇಜನ ನೀಡುವ ಉದ್ದೇಶವನ್ನು ಸರ್ಕಾರ ಹೊಂದಿದೆ.
ರಾಜ್ಯ ಸರ್ಕಾರವು ಈಗಾಗಲೇ ಸುಪ್ರೀಂ ಕೋರ್ಟ್ಗೆ ಪ್ರಮಾಣಪತ್ರ ಸಲ್ಲಿಸಿ, ಜೂನ್ ಅಂತ್ಯದೊಳಗೆ ಐದು ನಗರ ಪಾಲಿಕೆಗಳಿಗೆ ಚುನಾವಣೆ ನಡೆಸುವುದಾಗಿ ತಿಳಿಸಿದೆ. ಆರಂಭದಲ್ಲಿ ಪ್ರಕಟಿಸಲಾಗಿದ್ದ ಕರಡು ಮೀಸಲಾತಿ ಪಟ್ಟಿಯಲ್ಲಿ ಮಹಿಳೆಯರಿಗೆ ಶೇ.50ರಷ್ಟು ಮೀಸಲಾತಿ ಕಲ್ಪಿಸುವ ಸಂದರ್ಭದಲ್ಲಿ ಕೆಲವು ಅಸಮತೋಲನಗಳ ಬಗ್ಗೆ ಆಕ್ಷೇಪಣೆಗಳು ವ್ಯಕ್ತವಾಗಿದ್ದವು. ಇದೀಗ ಅಂತಿಮ ಪಟ್ಟಿಯಲ್ಲಿ ಆ ಸಮಸ್ಯೆಗಳನ್ನು ಸರಿಪಡಿಸಿ ಸಮರ್ಪಕ ಮೀಸಲಾತಿ ಕಲ್ಪಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) – ಪ್ರಮುಖ ಅಂಕಿ ಅಂಶಗಳು
ಒಟ್ಟು ವಾರ್ಡ್ಗಳು: 369
ಮಹಿಳೆಯರಿಗೆ ಮೀಸಲು: 185 ವಾರ್ಡ್ಗಳು (50%)
ಸಾಮಾನ್ಯ ವರ್ಗ: 192 ವಾರ್ಡ್ಗಳು
ಹಿಂದುಳಿದ ವರ್ಗಗಳು (ಬಿಸಿಎ): 97 ವಾರ್ಡ್ಗಳು
ಪರಿಶಿಷ್ಟ ಜಾತಿ (SC): 43 ವಾರ್ಡ್ಗಳು
ಹಿಂದುಳಿದ ವರ್ಗಗಳು ಬಿ (BCB): 24 ವಾರ್ಡ್ಗಳು
ಪರಿಶಿಷ್ಟ ಪಂಗಡ (ST): 7 ವಾರ್ಡ್ಗಳು
ಬೆಂಗಳೂರು ಕೇಂದ್ರ ನಗರ ಪಾಲಿಕೆ
ಒಟ್ಟು ವಾರ್ಡ್ಗಳು: 63
SC: 11 (ಮಹಿಳೆ 5)
ST: 1
ಹಿಂದುಳಿದ ವರ್ಗಗಳು ಅ: 15 (ಮಹಿಳೆ 7)
ಹಿಂದುಳಿದ ವರ್ಗಗಳು ಬಿ: 4 (ಮಹಿಳೆ 2)
ಸಾಮಾನ್ಯ: 32 (ಮಹಿಳೆ 16)
ಬೆಂಗಳೂರು ಉತ್ತರ ನಗರ ಪಾಲಿಕೆ
ಒಟ್ಟು ವಾರ್ಡ್ಗಳು: 72
SC: 9 (ಮಹಿಳೆ 4)
ST: 2 (ಮಹಿಳೆ 1)
ಹಿಂದುಳಿದ ವರ್ಗಗಳು ಅ: 19 (ಮಹಿಳೆ 9)
ಹಿಂದುಳಿದ ವರ್ಗಗಳು ಬಿ: 5 (ಮಹಿಳೆ 2)
ಸಾಮಾನ್ಯ: 37 (ಮಹಿಳೆ 18)
ಬೆಂಗಳೂರು ದಕ್ಷಿಣ ನಗರ ಪಾಲಿಕೆ
ಒಟ್ಟು ವಾರ್ಡ್ಗಳು: 72
SC: 7 (ಮಹಿಳೆ 3)
ST: 1ಹಿಂದುಳಿದ ವರ್ಗಗಳು ಅ: 19 (ಮಹಿಳೆ 9)
ಹಿಂದುಳಿದ ವರ್ಗಗಳು ಬಿ: 5 (ಮಹಿಳೆ 2)
ಸಾಮಾನ್ಯ: 40 (ಮಹಿಳೆ 20)
ಬೆಂಗಳೂರು ಪೂರ್ವ ನಗರ ಪಾಲಿಕೆ
ಒಟ್ಟು ವಾರ್ಡ್ಗಳು: 50
SC: 7 (ಮಹಿಳೆ 3)
ST: 1ಹಿಂದುಳಿದ ವರ್ಗಗಳು ಅ: 14 (ಮಹಿಳೆ 7)
ಹಿಂದುಳಿದ ವರ್ಗಗಳು ಬಿ: 3 (ಮಹಿಳೆ 1)
ಸಾಮಾನ್ಯ: 25 (ಮಹಿಳೆ 12)
ಬೆಂಗಳೂರು ಪಶ್ಚಿಮ ನಗರ ಪಾಲಿಕೆ
ಒಟ್ಟು ವಾರ್ಡ್ಗಳು: 112
SC: 9 (ಮಹಿಳೆ 4)
ST: 2 (ಮಹಿಳೆ 1)
ಹಿಂದುಳಿದ ವರ್ಗಗಳು ಅ: 30 (ಮಹಿಳೆ 15)
ಹಿಂದುಳಿದ ವರ್ಗಗಳು ಬಿ: 7 (ಮಹಿಳೆ 3)
ಸಾಮಾನ್ಯ: 64 (ಮಹಿಳೆ 32)
ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ ಐದು ನಗರ ಪಾಲಿಕೆಗಳಿಗೆ ಸಂಬಂಧಿಸಿದಂತೆ ಪ್ರಕಟಿಸಿರುವ ಈ ಅಂತಿಮ ಮೀಸಲಾತಿ ಪಟ್ಟಿ, ಸ್ಥಳೀಯ ಆಡಳಿತದಲ್ಲಿ ಮಹಿಳೆಯರು ಹಾಗೂ ವಿವಿಧ ವರ್ಗಗಳ ಪ್ರತಿನಿಧಿತ್ವ ಹೆಚ್ಚಿಸಲು ಮಹತ್ವದ ಹೆಜ್ಜೆ ಎಂದು ಪರಿಗಣಿಸಲಾಗುತ್ತಿದೆ. ಚುನಾವಣಾ ಪ್ರಕ್ರಿಯೆ ಜೂನ್ ಅಂತ್ಯದೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದ್ದು, ಇದರಿಂದ ಬೆಂಗಳೂರಿನ ನಗರ ಆಡಳಿತದಲ್ಲಿ ಹೊಸ ಅಧ್ಯಾಯ ಆರಂಭವಾಗಲಿದೆ.
