ಮಗ್ಗಿ ಪುಸ್ತಕ ಜಿ ಟಿ ಮಾಲ್‌ನಲ್ಲಿ ಯಶಸ್ವಿ ಪ್ರದರ್ಶನ

ಬೆಂಗಳೂರು,ಫೆಬ್ರವರಿ 15:ನಗರದ ಜನಪ್ರಿಯ ಜಿ ಟಿ ಮಾಲ್ ನಲ್ಲಿ ಕನ್ನಡ ಚಲನಚಿತ್ರ “ಮಗ್ಗಿ ಪುಸ್ತಕ” ಯಶಸ್ವಿಯಾಗಿ ಪ್ರದರ್ಶನಗೊಳ್ಳುತ್ತಿದೆ. ಸಾಮಾಜಿಕ ಸಂದೇಶವನ್ನು ಹೊತ್ತ ಮನಮುಟ್ಟುವ ಕಥಾಹಂದರದ ಮೂಲಕ ಚಿತ್ರವು ಪ್ರೇಕ್ಷಕರ ಮನ ಗೆದ್ದಿದೆ. ವಿಶೇಷವಾಗಿ ಯುವಜನರು ಮತ್ತು ವಿದ್ಯಾರ್ಥಿಗಳಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಚಿತ್ರವು ಇಂದಿನ ವೇಗದ ಜೀವನಶೈಲಿ, ಶಿಕ್ಷಣ ವ್ಯವಸ್ಥೆಯ ಒತ್ತಡಗಳು ಹಾಗೂ ತಂತ್ರಜ್ಞಾನದಿಂದ ಉಂಟಾಗುತ್ತಿರುವ ಬದಲಾವಣೆಗಳನ್ನು ಆಳವಾಗಿ ಅನಾವರಣಗೊಳಿಸುತ್ತದೆ. “ಮಗ್ಗಿ” ಎಂಬ ರೂಪಕದ ಮೂಲಕ ತ್ವರಿತ ನಿರ್ಧಾರಗಳ ಪರಿಣಾಮಗಳನ್ನು ನಿರ್ದೇಶಕರು ಪರಿಣಾಮಕಾರಿಯಾಗಿ ತೆರೆದಿಡುತ್ತಾರೆ. ಇಂದಿನ ಯುವಜನತೆ ಎದುರಿಸುತ್ತಿರುವ ಮನೋವೈಜ್ಞಾನಿಕ ಗೊಂದಲಗಳು ಹಾಗೂ ಮೌಲ್ಯಗಳ ಪರಿವರ್ತನೆ ಕಥೆಯ ಮುಖ್ಯ ಆಧಾರವಾಗಿದೆ.
ಜಿ ಟಿ ಮಾಲ್‌ನ ಪಿವಿಆರ್ ಚಿತ್ರಮಂದಿರದಲ್ಲಿ ದಿನನಿತ್ಯ ಹಲವು ಪ್ರದರ್ಶನಗಳು ನಡೆಯುತ್ತಿದ್ದು, ಕುಟುಂಬ ಸಮೇತರಾಗಿ ಸಿನಿರಸಿಕರು ಆಗಮಿಸುತ್ತಿದ್ದಾರೆ. ಚಿತ್ರದ ಸಂಭಾಷಣೆಗಳು ಚಿಂತನೆಗೆ ದಾರಿ ತೋರಿಸುವಂತಿದ್ದು, ಹಿನ್ನಲೆ ಸಂಗೀತ ಮತ್ತು ಚಿತ್ರಕಥೆಯ ವಿನ್ಯಾಸ ಮತ್ತಷ್ಟು ಭರವಸೆ ನೀಡುತ್ತದೆ.
ಚಿತ್ರದ ಪ್ರಮುಖ ಪಾತ್ರಧಾರಿಗಳಾದ ರಾಜಶೇಖರ್, ಚಿನ್ನಸ್ವಾಮಿ ಎತಿರಾಜ್, ಈಶ್ವರಿ ಮಂಜು, ಉಪ ನಿರ್ಮಾಪಕರಾದ ಲಲಿತಾ ರಾವ್, ಎಂ.ಯು. ನಂದಕುಮಾರ್, ಎಂ. ಮಹೇಶ್, ಎನ್. ನಾಗರಾಜ್, ಯಶಸ್ ನಾಚಪ್ಪ, ಶಿವಕುಮಾರ್, ನವೀನ, ಶಶಿಕಾಂತ್, ರಸೂಲ್ ನದಾಫ್, ಶರಣಕುಮಾರ್, ಗಜೇಂದ್ರಗಡ, ಗುರುನಾಥ ಬೋರಗಿ, ರುದ್ರ, ಕೆ. ನಟರಾಜ್, ಕೃಷ್ಣ ಮಹೇಶ್, ಸುನಿ, ಸಂದೀಪ ಅಂಕೋಲಾ, ಪ್ರೇಮಕುಮಾರ್, ಡಿ.ಸಿ. ಮೂರ್ತಿ, ರಾಜೇಶ ಬೀರಪ್ಪ, ಸಂಜಯ್ ನಾಗ್ ಹಾಗೂ ಹರಿ ಹರ್ಷ ಅವರ ಅಭಿನಯ ಗಮನ ಸೆಳೆಯುತ್ತದೆ. “ಮಗ್ಗಿ ಪುಸ್ತಕ” ಕೇವಲ ಮನರಂಜನೆಗೆ ಸೀಮಿತವಾಗದೆ, ಸಮಾಜಕ್ಕೆ ಸಂದೇಶ ನೀಡುವ ಚಿಂತನೆಗೆ ದಾರಿ ತೋರಿಸುವ ಚಿತ್ರವಾಗಿ ಹೊರಹೊಮ್ಮಿದ್ದು,  ಜಿ ಟಿ ಮಾಲ್‌ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ.