ಶೈನ್ ಶೆಟ್ಟಿ ಅವರಿಗೆ ಮಂದಾರ್ತಿ ದೇವಸ್ಥಾನದ ವತಿಯಿಂದ ಸನ್ಮಾನ; ಗಣೇಶನ ಮೂರ್ತಿ ಹಾಗೂ ದೇವಿಯ ಫೋಟೋ ಪ್ರಸಾದ ವಿತರಣೆ
ಮಂದಾರ್ತಿ: ‘ಶಂಕರಾಭರಣ’ ಚಲನಚಿತ್ರ ಯಶಸ್ಸು ಕಾಣಲಿ ಎಂಬ ಹಾರೈಕೆಯೊಂದಿಗೆ ಮಂದಾರ್ತಿ ಶ್ರೀ ದುರ್ಗಾಪರಮೇಶ್ವರಿ ದೇವಿಯ ಸನ್ನಿಧಿಯಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಮಂದಾರ್ತಿ ದೇವಸ್ಥಾನದ ಮುಖ್ಯ ಅಧಿಕಾರಿಗಳಾದ ಸಂಜು ಕುಲಾಲ್ ಅವರು ನಟ ಶೈನ್ ಶೆಟ್ಟಿ ಅವರನ್ನು ಸನ್ಮಾನಿಸಿ, ಮಂದಾರ್ತಿ ದೇವಿಯ ಫೋಟೋವನ್ನು ಪ್ರಸಾದ ರೂಪದಲ್ಲಿ ನೀಡಿ ಶುಭ ಹಾರೈಸಿದರು. ಉಡುಪಿಯ ಕೃಷ್ಣ ಗುರುಜಿ ಅವರು ಶ್ರೀ ಮಂದಾರ್ತಿ ದೇವಿಯ ಸನ್ನಿಧಿಯಲ್ಲಿ ಪ್ರಾರ್ಥನೆ ಸಲ್ಲಿಸಿ, ಶೈನ್ ಶೆಟ್ಟಿ ಅವರ ‘ಶಂಕರಾಭರಣ’ ಚಲನಚಿತ್ರ ಯಶಸ್ಸು ಕಾಣಲಿ ಎಂದು ಹಾರೈಸಿದರು.
ಇದೇ ವೇಳೆ ಸಂತೋಷ್ ಶೆಟ್ಟಿ ಹಾಗೂ ಹಂದಾಡಿಯ ನಾಗರಾಜ್ ಆಚಾರ್ಯ ಅವರು ಶೈನ್ ಶೆಟ್ಟಿ ಅವರನ್ನು ಸನ್ಮಾನಿಸಿ, ಗಣೇಶನ ಮೂರ್ತಿಯನ್ನು ನೀಡಿ ಆಶೀರ್ವದಿಸಿದರು.
ಕಾರ್ಯಕ್ರಮದಲ್ಲಿ ಕರ್ಣ ಕೀರ್ತಿ ಭಟ್, ಬ್ರಹ್ಮಾವರದ ನಾಗರಾಜ್ ಪೂಜಾರಿ, ಸಂತೋಷ್ ಶೆಟ್ಟಿ, ವಿಕೆ ಸ್ಟುಡಿಯೋದ ಭರತ್ ಶೆಟ್ಟಿಗಾರ, ರಾಜೇಂದ್ರ ಶೆಟ್ಟಿ ಹಾಗೂ ಅಮ್ಮ ಗಾರ್ಮೆಂಟ್ಸ್ ಟೆಕ್ಸ್ಟೈಲ್‌ನ ಮಾಲೀಕ ಸುರೇಂದ್ರ ಕೊಟ್ಟಾರಿ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
ಧಾರ್ಮಿಕ ಭಕ್ತಿ, ಶುಭ ಹಾರೈಕೆ ಹಾಗೂ ಚಿತ್ರರಂಗದ ಯಶಸ್ಸಿನ ಆಶಯದೊಂದಿಗೆ ನಡೆದ ಈ ಕಾರ್ಯಕ್ರಮವು ಗಮನ ಸೆಳೆಯಿತು.
