ಕನ್ನಡ ಚಲನಚಿತ್ರ ಹಾಗೂ ಧಾರಾವಾಹಿ ಕ್ಷೇತ್ರದಲ್ಲಿ ತಮ್ಮದೇ ಆದ ಗುರುತನ್ನು ನಿರ್ಮಿಸಿಕೊಂಡಿರುವ ಕಲಾವಿದೆ ಶ್ರೀಮತಿ ಶ್ರೀದೇವಿ ಚೆನ್ನೂರ್ ಕರ್ ಅವರು ಹಲವಾರು ವರ್ಷಗಳಿಂದ ಕಲಾರಂಗದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ತಮ್ಮ ಪರಿಶ್ರಮ, ಆಸಕ್ತಿ ಮತ್ತು ಕಲಾಪ್ರತಿಭೆಯಿಂದ ಸಿನಿಮ ಹಾಗೂ ಧಾರಾವಾಹಿ ಕ್ಷೇತ್ರದಲ್ಲಿ ಗಮನಾರ್ಹ ಸಾಧನೆ ಮಾಡಿದ್ದಾರೆ.
ಶ್ರೀದೇವಿ ಚೆನ್ನೂರ್ ಕರ್ ಅವರು ಮೂಲತಃ ಗುಲ್ಬರ್ಗ (ಕಲಬುರಗಿ) ಜಿಲ್ಲೆಯವರು. ತಮ್ಮ ಹುಟ್ಟೂರಿನಲ್ಲಿ ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿದ ಬಳಿಕ ಜೀವನದಲ್ಲಿ ಏನಾದರೂ ಸಾಧನೆ ಮಾಡಬೇಕು ಎಂಬ ಕನಸನ್ನು ಮನದಲ್ಲಿ ಇಟ್ಟುಕೊಂಡಿದ್ದರು. ಆ ಕನಸಿನೊಂದಿಗೆ 1980ರಲ್ಲಿ ಬೆಂಗಳೂರಿಗೆ ಬಂದರು. ಆದರೆ ಕುಟುಂಬದ ಪರಿಸ್ಥಿತಿಗಳಿಂದ ಅವರ ಮದುವೆ ನಡೆದಿತು. ಮದುವೆಯಾದ ನಂತರವೂ ತಮ್ಮ ಕನಸನ್ನು ಬಿಟ್ಟುಬಿಡದೆ, ಜೀವನದಲ್ಲಿ ಸಾಧನೆ ಮಾಡಬೇಕೆಂಬ ಆಸೆಯನ್ನು ಮುಂದುವರಿಸಿಕೊಂಡು ಬಂದರು.
ಚಿತ್ರರಂಗದ ಮೇಲೆ ಇರುವ ಅಪಾರ ಆಸಕ್ತಿ ಅವರನ್ನು ಕನ್ನಡ ಚಲನಚಿತ್ರ ಮತ್ತು ಧಾರಾವಾಹಿ ಕ್ಷೇತ್ರಕ್ಕೆ ಕರೆದುಕೊಂಡು ಬಂತು. ಆರಂಭದಲ್ಲಿ ಧಾರಾವಾಹಿಗಳಲ್ಲಿ ನಟಿಸುವ ಅವಕಾಶ ದೊರೆತು, ನಂತರ ಹಲವು ಸಿನಿಮಾಗಳಲ್ಲೂ ನಟಿಸುವ ಅವಕಾಶ ಸಿಕ್ಕಿತು. ಕಳೆದ ಸುಮಾರು 20 ವರ್ಷಗಳಿಂದ ಸಹ ಕಲಾವಿದೆಯಾಗಿ ಅನೇಕ ಸಿನಿಮಾಗಳು ಹಾಗೂ ಧಾರಾವಾಹಿಗಳಲ್ಲಿ ಅಭಿನಯಿಸಿ ತಮ್ಮ ಪ್ರತಿಭೆಯನ್ನು ತೋರಿಸುತ್ತಿದ್ದಾರೆ.
ಇವರು ಅಭಿನಯಿಸಿದ ಪ್ರಮುಖ ಸಿನಿಮಾಗಳಲ್ಲಿ ಟಗರು, ಶ್ರೀಕಂಠ, ಪೊಗರು, ನಟಸಾರ್ವಭೌಮ, KGF Chapter-1, ರುದ್ರ ತಾಂಡವ ಸೇರಿದಂತೆ ಹಲವು ಚಿತ್ರಗಳು ಸೇರಿವೆ. ಅದೇ ರೀತಿ ಧಾರಾವಾಹಿಗಳಲ್ಲಿ ಕನ್ಯಾದಾನ, ಭಾಗ್ಯಲಕ್ಷ್ಮಿ, ಅಮೃತವರ್ಷಿಣಿ, ಬ್ರಹ್ಮಗಂಟು ಮುಂತಾದ ಜನಪ್ರಿಯ ಧಾರಾವಾಹಿಗಳಲ್ಲೂ ಅಭಿನಯಿಸಿದ್ದಾರೆ. ಇವರ ನಟನೆಯನ್ನು ಗುರುತಿಸಿ ರೇಡಿಯೋ ಜಾಕಿ 93.4FM, Life ok ಚಾನೆಲ್ ಅವರು ಸಂದರ್ಶನ ಮಾಡಿದರು
ಕನ್ನಡ ಚಿತ್ರರಂಗದ ಖ್ಯಾತ ನಟರಾದ ಸುದೀಪ್ ಹಾಗೂ ಶರಣ್ ಅವರಂತಹ ಕಲಾವಿದರ ಜೊತೆ ಕೆಲಸ ಮಾಡುವ ಅವಕಾಶ ಇವರಿಗೆ ದೊರೆತಿದ್ದು, ಅವರಿಂದ ಪ್ರೇರಣೆಯೂ ಪಡೆದಿದ್ದಾರೆ. ತಮ್ಮ ಶ್ರಮ ಮತ್ತು ಕಲಾಪ್ರೇಮದಿಂದ ಕನ್ನಡ ಮನರಂಜನಾ ಕ್ಷೇತ್ರದಲ್ಲಿ ನಿರಂತರವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ವೈಯಕ್ತಿಕ ಜೀವನದಲ್ಲಿ ಶ್ರೀದೇವಿ ಚೆನ್ನೂರ್ ಕರ್ ಅವರು ಶ್ರೀ ಶಂಭುಲಿಂಗಪ್ಪ ಅವರ ಧರ್ಮಪತ್ನಿ. ಈ ದಂಪತಿಗಳಿಗೆ ಗಜೇಂದ್ರ ಕುಮಾರ್ ಹಾಗೂ ಅರುಣಾ ಎಂಬ ಇಬ್ಬರು ಮಕ್ಕಳು ಇದ್ದಾರೆ.
ಕಲೆಗಾಗಿ ಆಸಕ್ತಿ, ಪರಿಶ್ರಮ ಮತ್ತು ನಿಷ್ಠೆ ಇದ್ದರೆ ಯಾವುದೇ ಅಡೆತಡೆಗಳು ಸಾಧನೆಯ ದಾರಿಗೆ ತಡೆ ಆಗುವುದಿಲ್ಲ ಎಂಬುದನ್ನು ಶ್ರೀಮತಿ ಶ್ರೀದೇವಿ ಚೆನ್ನೂರ್ ಕರ್ ಅವರ ಜೀವನವೇ ಸಾಬೀತುಪಡಿಸುತ್ತದೆ. ಕನ್ನಡ ಚಿತ್ರರಂಗದಲ್ಲಿ ಅವರು ಮುಂದೆಯೂ ಇನ್ನಷ್ಟು ಯಶಸ್ಸುಗಳನ್ನೂ ಸಾಧಿಸಲಿ ಎಂಬುದು ಅಭಿಮಾನಿಗಳ ಆಶಯ.
