ಜಗದೊಡೆಯನ ಆಟ ಬಲ್ಲವರಾರು

ಜಗದೊಡೆಯನ ಆಟ ಬಲ್ಲವರಾರು
ಆತನ ಮಾಯೆ ಅರಿತವರು ಯಾರು
ಸೃಷ್ಟಿಯೊಳು ನೂರಾರು ಜೀವಿಗಳು
ತರತರದ ರೀತಿಯ ಜನಗಳು

ಬಡವ ಶ್ರೀಮಂತರೆಂಬ ಜೀವಿಗಳು
ತಿಂದು ಉಂಡು ಅನ್ನ ಎಸೆಯುವರು
ತುತ್ತು ಕೂಳಿಗೆ ಬಾಧೆ ಪಡುವರು
ಇದುವೇ ನಮ್ಮ ಸೃಷ್ಟಿ ಕರ್ತನ ಲೀಲೆ

ದುಡ್ಡೇ ದೊಡ್ಡಪ್ಪ ಈ ಜಗದೊಳಗೆ
ದುಡ್ಡಿನ ಮಹಿಮೆ ಅಪಾರ ಭುವಿಯೊಳಗೆ
ಬಡವನಿಗೆ ತೊಡಲು ಬಟ್ಟೆಗೂ ಗತಿಯಿಲ್ಲ
ಹಣವಂತರು ದಿನಕ್ಕೊಂದು ಬಟ್ಟೆ ಕೊಳ್ಳುವರೆಲ್ಲ

ಹಸಿದ ಹೊಟ್ಟೆಯ ತಳಮಳ ಕೇಳುವವರಾರು
ಮನೆ ಮನೆ ತಿರುಗಿ ಭಿಕ್ಷೆ ಬೇಡುವರು
ಪುಣ್ಯವಂತರು ಅನಾಥಾಶ್ರಮ ತೆರೆದವರು
ಬಡವ ಜೀವಿಗಳ ಸಂರಕ್ಷಣೆ ಮಾಡುವರು

ಓದಲು ಆಗದೇ ಪರತಪಿಸುವರು ಬಡವರು
ಸಹಾಯಕ್ಕಾಗಿ ಮನೆ ಮನೆ ತಿರುಗುವರು
ಮಾನವ ನೀ ಅರಿಯಬೇಕು ಮಕ್ಕಳ ಮನಸು
ನೊಂದವರಿಗೆ ಓದಿಸಲು ಮಾಡಿರಿ ಮನಸು

ಆರೋಗ್ಯವೇ ಭಾಗ್ಯ ತಿಳಿದಿದೆ ಎಲ್ಲರಿಗೂ
ಊಟ ಸಿಗದೇ ಅಶಕ್ತ ಆಗಿರುವರು
ಇದ್ದವರು ಕರುಣೆ ತೋರಿಸಿ ಬಡವರಿಗೆ
ಇದು ನಾವೆಲ್ಲರೂ ಸಮಾಜಕ್ಕೆ ಕೊಡುವ ಕೊಡುಗೆ

ಇರಬೇಕು ಕರುಣೆ ಸೌಹಾರ್ದತೆ ಶ್ರೀಮಂತರಲ್ಲಿ
ಮನಸು ಇರಬೇಕು ದಾನ ಧರ್ಮ ಮಾಡುವಲ್ಲಿ
ಎಲ್ಲರೂ ತಿನ್ನುವುದು ಅನ್ನವನ್ನು
ಯಾರೂ ತಿನ್ನರು ಚಿನ್ನವನ್ನು
ಇದನ್ನು ಎಲ್ಲರೂ ಅರಿಯಿರಿ
ಸಮಾಜ ಕಲ್ಯಾಣ ಮಾಡಿರಿ

     ಶ್ರೀದೇವಿ ಓಂಕಾರ್