ಬೆಂಗಳೂರು, ಫೆಬ್ರವರಿ 6: ನಗರದ ಜ್ಞಾನಭಾರತಿಯ ನಾಗದೇವನ ಹಳ್ಳಿಯಲ್ಲಿ ಶುಕ್ರವಾರ ಬೆಳಿಗ್ಗೆ ಭಕ್ತಿಮಯ ವಾತಾವರಣದಲ್ಲಿ ಭಜನಾ ಗುಂಪಿನ ವತಿಯಿಂದ “ತಿಂಗಳ ವಿಶೇಷ ಭಕ್ತ ಶಿರೋಮಣಿ ಗೀತಗಾಯನ ಕಾರ್ಯಕ್ರಮ” ಯಶಸ್ವಿಯಾಗಿ ನೆರವೇರಿತು. ಭಕ್ತ ಶಿರೋಮಣಿ ಮೀರಾಬಾಯಿ ಅವರ ಭಕ್ತಿ ರಚನೆಗಳನ್ನು ಆಧರಿಸಿದ ಗಾನ ಸಮರ್ಪಣೆ ಕಾರ್ಯಕ್ರಮದಲ್ಲಿ ಭಕ್ತರ ಮನಗಳನ್ನು ಸ್ಪರ್ಶಿಸಿತು.
ಕಾರ್ಯಕ್ರಮವು ಶೈಲಜಾ ರಾವ್ ಅವರ ನಿವಾಸ ‘ಪಾಂಡರಿ’, ಕುಪ ಅನಿಮಲ್ ಹಾಸ್ಪಿಟಲ್ ಬೀದಿ, ಜ್ಞಾನಭಾರತಿಯಲ್ಲಿ ಬೆಳಗ್ಗೆ 11ರಿಂದ ಪ್ರಾರಂಭವಾಯಿತು. ಶ್ರೀಯುತ ರಾಮಮೂರ್ತಿ ವೆಂಕಟ ರಮಣಾಚಾರ್ ಅವರು ಮೀರಾಬಾಯಿ ಅವರ ಭಕ್ತಿಗೀತೆಗಳನ್ನು ಭಾವಪೂರ್ಣವಾಗಿ ಗಾಯನ ಮಾಡಿದರು. ಕೀಬೋರ್ಡ್ನಲ್ಲಿ ಶ್ರೀಯುತ ಸುಬ್ರಹ್ಮಣ್ಯ ಜೋಯಿಸ್ ವೈ.ವಿ ಅವರ ಸಹಕಾರ ಗಾನಕ್ಕೆ ಮತ್ತಷ್ಟು ಮೆರಗು ನೀಡಿತು.
ಮೀರಾಬಾಯಿ ಅವರ ಕೃಷ್ಣಭಕ್ತಿಯ ಗಾನಗಳು ಭಕ್ತರನ್ನು ಭಾವಸಾಗರದಲ್ಲಿ ಮುಳುಗಿಸಿದವು. “ಪಾಯೋ ಜೀ ಮೇನೇ ರಾಮರತನ ಧನ ಪಾಯೋ”, “ಮೇರೆ ತೋ ಗಿರಿಧರ್ ಗೋಪಾಲ್” ಮುಂತಾದ ಕೀರ್ತನೆಗಳು ಶ್ರೋತೃಗಳಲ್ಲಿ ಅಪಾರ ಭಕ್ತಿ ಸಂವೇದನೆಯನ್ನು ಮೂಡಿಸಿತು.
ಭಜನಾ ಗುಂಪಿನ ಸಂಸ್ಥಾಪಕರಾದ ಲತಾ ಜಗದೀಶ್ ಹಾಗೂ ಶೈಲಜಾ ರಾಮಸ್ವಾಮಿ ಅವರ ಮಾರ್ಗದರ್ಶನದಲ್ಲಿ ಕಾರ್ಯಕ್ರಮ ಅಚ್ಚುಕಟ್ಟಾಗಿ ನಡೆಯಿತು. ರೂಪಶ್ರೀ ಮೋಹನ್ ಸೇರಿದಂತೆ ಭಜನಾ ಗುಂಪಿನ ಸದಸ್ಯರು ಉಪಸ್ಥಿತರಿದ್ದರು. ರಾಮಸ್ವಾಮಿ ರಾವ್ ಅವರು ಕಾರ್ಯಕ್ರಮವನ್ನು ಶ್ರದ್ಧೆಯಿಂದ ಆಯೋಜಿಸಿದ್ದು, ಎಲ್ಲರ ಪ್ರಶಂಸೆಗೆ ಪಾತ್ರರಾದರು.
ಭಕ್ತಿಶ್ರದ್ಧೆ, ಸಂಗೀತ ಮತ್ತು ಸಮೂಹಭಾವನೆಗಳ ಸಂಯೋಜನೆಯಾಗಿ ಈ ಕಾರ್ಯಕ್ರಮವು ಭಕ್ತರಿಗೆ ಆತ್ಮಸಂತೋಷ ನೀಡಿದಂತಾಯಿತು. ತಿಂಗಳ ವಿಶೇಷ ಗೀತಗಾಯನ ಕಾರ್ಯಕ್ರಮಗಳು ಮುಂದುವರಿಯಲಿವೆ ಎಂದು ಸಂಘಟಕರು ತಿಳಿಸಿದ್ದಾರೆ.
